Dewch yn Gyflogwr Cyflog Byw
Beth sydd angen imi wneud?
Mae meini prawf am achredu yn yr un peth os ydych chi’n sefydliad preifat, cyhoeddus neu wirfoddol.
Er mwyn dod yn achrededig mae rhaid (i) talu’r Cyflog Byw go iawn i’ch staff a gyflogir yn uniongyrchol, a (ii) meddu ar gynllun i ymestyn talu’r Cyflog Byw i’ch staff wedi’i gontractio hefyd.
Camau at achredu
Talu'r Cyflog Byw go iawn i'ch staff a gyflogir yn uniongyrchol.
Meddu ar gynllun i dalu'r Cyflog Byw Gwirioneddol i gontractwyr.
Cwblhau'r ffurflen gais ar-lein.
Dechrau
Cofrestru Diddordeb
Pecyn Cais
- Unwaith eich bod wedi cofrestru, byddwch yn derbyn ebost yn cynnwys dolen i’r ffurflen gais a’r cytundeb trwyddedu.
Gwirio Meini Prawf
Staff a gyflogir yn uniongyrchol
- Cadarnhau eich bod yn talu’r Cyflog Byw gwirioneddol i’r holl staff dros 18 oed a gyflogir yn uniongyrchol.
Gweithwyr Contract
- Adnabod yr holl staff trydydd parti sy’n gweithio, yn reolaidd, yn eich adeiladau (neu safleoedd eraill y mae eich mudiad yn defnyddio i wneud ei waith)
- Cysylltu â’r darparwr(darparwyr) gwasanaeth perthnasol naill ai i gadarnhau bod y Cyfilog Byw gwrioneddol yn cael ei dalu, neu i drafod ei weithrediad yn ddi-oed (creu carreg filltir).
Cerrig Milltir
- Mae carreg filltir yn gynllun i godi gweithwyr trydydd parti rheolaidd i’r Cyflog Byw gwirioneddol, yn unol ag amserlen y cytunwyd arni. Mae modd ychwanegu’r rhain at y cais arlein, ac maen nhw’n amodol ar gymeradwyaeth Cynnal Cymru.
Contractau yn y Dyfodol
- Sicrhau bod talu’r Cyflog Byw go iawn yn cael ei gynnwys yn yr holl brosesau caffael gweithwyr contract.
Ymgeisiwch
Cyflwyno Cais
- Cwblhau a chyflwyno’r ffurflen gais arlein. Ychwanegu cerrig milltir (os oes unrhyw rhai), a lanlwytho copïau o logos eich sefydliad, er mwyn eu harddangos ar wefannau Cyflog Byw. At ddibenion monitro effaith gofynnwn hefyd am y nifer o staff, a’r staff a godwyd i lefel Cyflog Byw, adeg achredu.
Ffi Achredu
-
Bydd cadarnhad o'ch achrediad yn cael ei e-bostio i'r Cyswllt Cynradd o fewn 5-10 diwrnod gwaith.
Mae’r e-bost yn cynnwys dolen i lawrlwytho’r marc Cyflogwr Cyflog Byw y gallwch ei arddangos yn falch.
- Bydd yr anfoneb am y ffi achredu blynyddol yn cael ei ebostio at eich cyswllt Cyllid/ Adnewyddiadau enwebedig o fewn ychydig ddiwrnodau o dderbyn cadarnhad.
Hyrwyddo
Cyhoeddi’r Achrediad
- Dathlwch eich achrediad drwy ei gyhoeddi ar y cyfryngau cymdeithasol, yn y wasg leol, mewn cyhoeddiadau masnach ayyb. Gall Cynnal Cymru eich cefnogi gydag unrhyw gyfathrebiadau.
Mynd Ymhellach
- Hyrwyddwch eich penderfyniad i fod yn gyflogwr Cyflog Byw gwironeddol, a chodwch eich achrediad i’r lefel nesaf.
Faint yw'r gost?
Mae ffioedd yn dibynnu ar faint eich sefydliad ar raddfa llithro
Cyflogwyr Caerdydd
Mae Bbach o Sir Gaerdydd yn gallu ymgeisio i gael eu ffioedd yn ad-dalwyd trwy Gynllun Cefnogaeth Achredu Cyngor Caerdydd.
| Math o sefydliad | 0-10 gweithwyr | 11-50 gweithwyr | 51-250 gweithwyr | 251-500 gweithwyr | 500+ gweithwyr |
|---|---|---|---|---|---|
|
Sector preifat |
£71 |
£141 |
£282 |
£565 |
£3530 |
|
Sector cyhoeddus ac elusennau |
£71 |
£141 |
£282 |
£565 |
£565 |
Angen cymorth?
Am gymorth a chefnogaeth bellach ar eich taith i fod yn Gyflogwr Cyflog Byw Achrededig, cysylltwch â thîm achredu’r Cyflog Byw yng Nghymru.
Cwestiynau Cyffredin
Am ragor o fanylion ynghylch y meini prawf achredu, gallwch ddod o hyd i restr fanwl o gwestiynau cyffredin ar wefan y Living Wage Foundation.